(“Gjersa yjet vezullojnë netët, heshtjen e mërgimit e thyejnë poetët…”! )
Në Hamburg për të IX-ten herë me radhë u mbajt Festivali “PAVARËSIA POETIKE”, i cili u përshkua me një varg aktivitetesh: promovime veprash, ndarje çmimesh e mirënjohjesh, shpallja e anëtarësh nderi dhe program artistik
Teksti: Hasan Qyqalla
Fotot : Rexhep Rifati
Lidhja e Krijuesve Shqiptarë në Mërgatë, mbajti për të IX-ten herë me radhë Festivalin “Pavarësia Poetike”, nismë që identifikohet që nga Shpallja e Pavarësisë së Kosovës. Ky takim u mbajt falë mbështetjes së afaristëve të suksesshëm shqiptar dhe Unionit të Bizneseve Shqiptare në Gjermani dhe shtypi i shkruar e ai vizuel, si RTK, bashkëpunëtori i Radios “Zëri i Arbërit”,…etj. Bujaria dhe mikpritja e veprimtarit, humanistit e afaristit të njohur Z. Xhelil MUSA, pronar i Hotelit “Musa’s Gruene Tanne (Pisha e gjelbër e Musas)” në Hamburg, ishte për çdo lëvdatë. Ky veprimtar meriton të hyjë në të gjitha analet kombëtare, por për këtë personalitet do flasim njëherë tjetër.
Festivalin tradicional “Pavarësia Poetike”, e madhështoi prania e përfaqësuesve diplomatikë të Republikës së Kosovës në Berlin, që përfaqësohej nga Z. Binak Berisha-këshilltar i lartë në Ambasadën e R.K. në Berlin, i cili përshëndeti në emër të Ambasadorit Z. Skender Xhakaliu, pastaj prania e Z. Flora Brovina – Deputete dhe Kryetare e Lidhjes së Shkrimtarëve të Kosovës, Z. Majlinda Nana-Rama – studiuese, krijuese dhe kritike Letrare, Z. Shukrie Ramadani – U.D. Drejtoresh e Q.K. në Cyrih të Zvicrës, Z. Adnan Merovci, Z. Rexhep Rifati, të cilët me një fjalë rasti i përshëndeti edhe Kryetari i LKSHM Z. Hasan QYQALLA me rastin e hapjes së këtij Festivali poetik. Paneli në përbërje të Z. Fran Tanushi-sekretar i LKSHM, Saranda Iseni dhe Ragip Dragusha, udhëhoqi këtë mbrëmje poetike. Më pastaj, Festivalin “Pavarësia poetike” e përshëndetën me pak fjalë edhe mysafirët e Nderit, si Z. Binak Berisha nga Ambasada e RK në Berlin, Z. Flora Brovina nga Prishtina, Z. Majlinda Nana-Rama nga Fieri, Z. Zekirja Idrizi nga Berlini, Z. Adnan Merovci nga Prishtina si dhe Z. Shaip Beqiri nga Zvicra.
- Poezi dhe valle të përgatitura nga shkolla shqipe në Hamburg, kompozim i mrekullueshëm
Festivali tradicional “Pavarësia Poetike 2016”, u hap me një evokim për Poetin e Profesorin Dr. Latif Berisha, përgatitur nga Martin Çuni. Vargje të zgjedhura nga opusi letrar i Prof. Latif Berishës, deklamoi Musa Mulolli. Më pastaj u hap “Ora letrare” me karakter garues, ku me punimet e tyre u paraqitën mbi tridhjetë krijues, që kishin ardhur nga shumë vende të Europës, veç Gjermanisë, si nga Suedia, Zvicra, Austria, Greqia, Franca…etj. Juria treantarëshe, në përbërje: Hasan Qyqalla, Anton Marku dhe Hysen Ibrahimi, me Çmimin e parë vlerësoi poetin Fran Tanushi, Çmimin e dytë Shukrie Ramadani, Çmimi i tret Sevëme Fetiqi, gjersa Çmimin e publikut e fitoi Ragip Dragusha kurse me Çmimin e jurisë u vlerësua poeti Dan Kosumi. Programin e sontëm e begatuan edhe nxënësit e shkollës shqipe Bucholz-Buxtehude me arsimtarin Z. Azem Xhafolli, kurse për koreografinë u përkujdes Z. Rifadie Selmanaj, isha anëtare e SH.K.A.!
- Promovimet letrare udhëhoqi paneli në përbërje Valdete Berisha, Mentor Thaqi dhe Sevëme Fetiqi
Në pjesën e dytë u bënë promovime të titujve të rinjë, me sa vijon:
Flora Brovina: “Stinë Jargavanësh”, recensionin e Z. Abdyl Kadolli e lexoi Saranda Iseni;
Musa Jupolli: “… me Kadaren” referoi Mentor Thaqi
Bukurie Bushati: “Prostitutë më bëri Nëna”, referoi Bardha Mançe
Besim Xhelili: vëllimi poetik “Besa”, referoi redaktorja e librit Majlinda Nana-Rama dhe romanin “1803”, referoi Anton Marku
Hysen Ibrahimi: “Vështrime, analiza, kritika, intervista…”, recensionin nga Fetah Bahtiri e lexoi Hasan Qyqalla
Majlinda Nana-Rama: “Zonja me të kuqe”, referoi Hasan Qyqalla…
Në fund të këtij Manifestimi madhështor, Lidhja e Krijuesve Shqiptarë në Mërgatë shpalli tre Anëtarë Nderi: Z. Flora BROVINA, Z. Shani HAMITAGA dhe Z. Martin ÇUNI, gjersa MIRËNJOHJE iu dha veprimtarëve Z. Xhelil MUSA (nikoqir i këtij Manifestimi), Z. Shukrie RAMADANI, Z. Majlinda NANA-RAMA, Z. Bardha MANÇE dhe Z. Agim GASHI!
Hamburg, 13. 03. 2016
Të Dielen, më 13 mars 2016, Lidhja e Keijuesve Shqiptarë në Mërgatë, organizoi promovimin e librit “Në hap me Rugovën” të autorit Adnan Merovci, ku fillimisht u shfaq një reportazh i shkurtër. Nuk kishte referime, veç vet prezantimin që bëri autori i këtij libri, Z. Merovci, për të hapur mundësinë e pyetjeve, sugjerimeve përballë të pranishmëve.
Manifestimi dyditorë i Festivalit “Pavarësia poetike 2016” përfundoi rreth orës 14.00!
Në fund u lexuan Telegramet përshëndetëse që dërguan Përfaqësuesit e Diplomacisë të Republikës së Shqiprisë në Berlin, ish Kryetari i LDK-së, dega për Gjermani Z. Hafiz Gagica, …etj., gjersa përkundër FTESËS që i është bërë Ministrisë së Kulturës dhe Ministrisë së Diasporës të Qeverisë së Republikës të Kosovës, (gjithnjë sipas Këshillit Organizativ), lere që nuk mori pjesë askush nga zyrtarët e këtyre dy Ministrive, por nuk e kishin adresuar as një Telegram përshëndetës. Të diturit thonë: “Le të mbetet në ndërgjegjjen e tyre”!
Hasan Qyqalla-Kryetar i LKSHM, gjatë fjalës së hapjes të Festivalit të IX-të me rradhë “Pavarësia poetike 2016”
(Përmes disa imazheve ilustrojmë rrjedhën e këtij manifestimi tashmë tradicional letrar)
