Biblioteka “Pestalozi” në Hardau të Cyrihut, që drejtohet nga Suela Jorgaqi, tashmë është shndërruar në një vatër të rëndësishme për promovimin e librave të autorëve të ndryshëm e sidomos për ata shqiptarë. Kështu dje, më 28 Janar 2023, pati dy promovime librash, atë të autores Mechthild Henneke, “Ach mein Kosovo” dhe të autori Metush Zenuni, “Lëvizja Popullore e Kosovës 1982-2002”, për të cilin libër një vështrim e lexoi Agim Sylejmani. I pranishëm në këto promovime, ishte edhe ish- konsulli i parë i i Republikës së Kosovës në Cyrih, dr. Salih Sefaj, ndërsa që moderatore e programit ishte Abetare Zenuni Bala.
Me rastin e këtyre dy promovimeve u realizuan edhe disa pika artistike, siç ishin një paraqitje e regjisorit Adem Kicaj me një recital kushtuar “Flakës së Janarit”, gjegjësisht vëllezërve Gërvalla, Kadri Zekajt e shumë heronjve dhe trimave të tjerë, që nga periudha e Gjergj Kastriotit Skënderbeut. Promovimit, siç njoftoi fotoreporteri ynë Afrim Nevzadi, i cili na i solli edhe imazhet e këtij shkrimi, në këtë promovim ishin edhe dy motrat flautiste : Morea dhe Puhiza Shala, gjegjësisht Morea studente e pedagogjisë në Universitetin e Lozanës, ndërsa Puhiza studente e farmacisë në universitetin e Gjenevës.
(Fotot nga Afrim Nevzadi)
