(Bisedë satirike me shkrimtarin dhe
diplomatin serb Vuk Drashkoviq)
Hajde Vuço hajde, ku ma le karremin
A po e sheh tash mirë Jerusalemin?
Rrahe sa e rrahe t’u shurdhu‘ ai gong,
Kinë deshe Serbinë, Kosovën Hongkong!
Seç më erdhe pas kudo që unë shkova,
Jerusalem serb, thoshe, është Kosova!
Drridhe nëpër botë gjithë diplomacitë
Sikur veç ti vetëm i deshe jahuditë!
(Kujtove harrojnë t‘shkretët jahudi
Kur n‘Staro Sajmishte mblodhe 12 mijë?
Gjysmën n’Beograd therre rend me rend
Gjysmën për Hitlerin drejt n’Mathausen!)
Me shpatë drejt Kosovës ngjeshur afër çarkut
Ç’e shalove kalin e Kraleviq Markut;
Por Kraleviq Marku n’qafë t’i la do brenga
Kur ta mori kalin sërish kah legjenda!
Por tash bre Vuço me mbeti një peng
Bashkë të shkojmë për kafe në Jerisalem!
Te Yll i Davidit botës t’ia vëmë fillin
Ti merre Kremlinin, unë Capitol Hillin!
