Vegëz vargu
Si përrua bjeshke jeta rrjedh
Rrëmbyeshëm me valë ngazëllimesh
Me ndjenja të përziera lëmsh
Përbërë prej fije kujtimesh
Mbreskë vjeshte
Rrjedh vjeshta
Sikur një krua
Bien bukur
Fjolla gjethesh
Përmbi mua
Fluskëza bore
Këtë natë të ftohtë
Të acartë
Fluskëza bore
E ngrohin tash
Mblidhen si krande bashkë
Të ndezin
Një zjarr të bardhë
Gjurmëz pranvere
Një re-zemër
U bë zog
Pastaj
Fluturoi
Mbi këtë kopsht
Të ciin e përkëdhelte
Një puhizë pranvere
Cikërrimë para perëndimit
Për një gjethe të ullirit
U kacavare diell
Qiellin artësove
E hija jote
Lundron mbi det
