Melodi
Mes një gjelbërimi të harlisur ditëmaji
Dal e ec
Melodi e bukur gjinkallash e zogjsh
Më bën shoqëri
Se kush këndon për tokë
Se kush këndon për qiell
Puthje
Petalet e purpurta
Të luleve të pemëve
Janë puthur me bletë
Pupëlbardhë
Një pupël zogu
Kapur për fije teli të rrethojës
I lutet erës të fryej më shumë
Për t’u bashkuar me retë
Reja dallëndyshe
Kjo re që pasqyron
Një shpirt të bardhë dallëndysheje
Pret aeroplanin litarbardhë
Për ta tërheq
Ara me misër të stërtharë
Në arën e pakorrur
Fare pranë vargut të shumëkatësheve
Dhe hekurudhës
Bien e ngrihen pëllumba
Si në një liqen të artë
Pranë një luleje
Ulem pranë kësaj luleje
Ngjyrë portokallkuqe
Që i ngjan lulëkuqes
Qarkullim
Një treni të rrallë
Përmbi binarë
Vije nga Prishtina
Dhe në Fushë Kosovë
Ec ngadalë-ngadalë
Sidoqoftë
I urojmë rrugë të mbarë
