(Mjeshtrit të Mjeshtërisë Artistike, Agron Bajrami, nderim postmortem!)
Sot kam dhimbje, ndjeva si kjau «SHOTA», o pena ime,
vaj, gjëmë e lot´ n´Troje Helvetike,
ndjeva si kjau edhe e motra binjake-emnake n´shesh Prishtine,
me një këngë, një valle elegjike!
Sot paska mbyllur sytë Mjeshtri, ai Mbreti ynë Agron,
i shoqi i Lirisë që e pat dhe Teutë,
po, ai që bënte mrekulli vlerash nga opusi etnik i jonë,
n´Enciklopedi, personalitet i urtë!
Shumica prej nesh po mundohemi për Atdheun nga pak,
por, ai me vetësakrificë bëri shumë,
vlerat unikale të Etnikumit, i pat ind trashëgues në gjak,
AtDheDashuria i rrodhi pandërpre si lumë!
Ah, të jesh´një Maestro Agron Bajram, duhet përkushtim,
vendosmëri e talent që rrallëkush i ka,
për Komb, Kulturë, Vatan, … me angazhim aq sublim,
e Ai këto me bollëk i pat, o mik, o vëlla!
Ai na fali aq shumë vlera sublime, pasuri të shumëçmuara,
do të ia ruajn vlerat, brezat shembullor,
do ta nderojmë dhe kujtojmë me vlerat e tija të dëshmuara,
Përjetësisht Nderim nga Trungu Arbëror!
…
Mentor Thaqi
13 Mars 2018
