(Lavdi e Nderim të përjetshëm heroizmit të Dëshmorit Afrim Bunjaku)
Ev Dardani, Dardani
Ty që Kosovë po t‘thonë
Pllâmbë toke pa vârre e lapidare nuk t‘mbét
Lis pa rrâjë t‘rritne n‘gjak nuk ke
As kângë mbijetese pa refren ofshame e dufi
Sa herë t‘u rânuen çerpiktë n‘roje t‘vetvetes dhe pjellës tâne
Ânrrat zhgânrra t‘u bânë oj Nânë
Dikush tue t‘njellë kob e dikush tue cytë
E ti nrydh e shtrydh fasha e t‘lidhne varr‘sh
Plagë që lânë vrragë
Mblédhi péjtë e dhimbjeve tua
Mos t‘shkapërderdhen trupit
Dhimbja e zémrës mos t‘shkon n‘tru
E ke testament prej Dem Ahmetit t´Mavraj t‘asaj Malcie
Ku sot shkjau sërish t‘hapi derë zie
Nânë, pjella jote e rritne me atdhedashuni
Me fjalë tâne t‘pa dyshueme po fronton
As një hap mrapa nuk e bâni, përmidis zjérmi ecë
Marshim i thuhet këtij hapnimi me vetëflijim
T‘paktën vèshi qysh duhet, përballë koshave i ke
Na e lé pak mà t‘lehtë kafshaten e tepërt në shpi
Nuk âsht kohë tejshijimesh
T‘duhet atje … atje n‘veri, atje ku ruajn kufi e liri
Nânë,
Përditë po t‘shtohen dëshmorët n‘heroizëm
Émna e m‘i-émna t‘njâjtë
Të tânë tontë
Guximtarë t‘paépun
T‘rexhun, t‘përgjegjun e t‘ndërgjegjun
N‘tnjâjtin front, arenat e përgjakshme përrreth
Me dekada nëpër rrokada
Dje e thirrën Enver Zymberi
Sot u përgjegj Afrim Bunjaku
Jehona e përgjegjës së burrit dardan dridhi Shalen
Djali e dha, burri e tha, Heroi mbajti fjalën
Fërfëllazë e ushtimë n‘ballë veri
Nderim aty ku skuqi gjaku
Aty âsht trualli, aty âsht pragu
Sot heshtja âsht dhimbje
Sot kânga âsht heshtje
Sot t‘u rilind një Hero
Moter, vëlla, … mos harro
Âsht gjak që sall Atdheut dhe Lirisë i falet
E frymimi ynë nuk do të ndalet
Deri sa shqip t´flasim e rrafsh t´mos bâhen malet
…Mentor Thaqi
24 Shtator 2023
