Lojëprova e një viti – poezi

Lojëprova e një viti

Kur po mendoi për vitin që po shkon
Për vargjet që nëpër të shkrova
Herë më duket ish lojë e herë provë
Që nga fiilmviti gjer në fundvit e vazhdova

Kjo lojë e kjo provë ishte një lloj strehe
Kushedi si ndodhi ndoshta aksidentalisht
As vetë pa e ditur se ku mund të dilja
Pa harruar shprehjen me dashje rastësisht

Diku shkruava me rimë e diku me vargje të lira
E rëndësishme të kenë rrjedhë e kuptim
Shpesh vargjet i shoqërova me shkrepje çasti
Për ta shënuar adresën ku fishkëlloi një frymëzim

Vendi e rendi ta përmbyll lojëprovën
Që mund të shfletohet si një dokument
Ku ndodhem unë bashkë me jetën time
E vazhdoj të notoj nëpër këtë lumë të shpejtë

Nuk jam aq i kënaqur me lojëprovën që bëra
Besoj se ishte për të mirë e patëkeq
Mirëmbetshi u them dhe për shumë vite të tjera
Dhe ju po kaq bukur uroni duke më thënë
Mirëmbetsh