Nga Safet Sadiku
Avni Nasufoski, vlerësohet si vizionar i biznesit Global. Ai është një ndër emrat më të njohur të botës afariste shqiptare në mërgatë dhe jo vetëm, me ndikim të gjerë në industrinë ndërkombëtare të ndërtimit dhe teknologjive inovatore për menaxhimin e infrastrukturës dhe mjedisit. Afarizmi i tij me seli në Zvicër është i shumëanshëm. Ai është themelues dhe drejtor ekzekutiv i kompanisë “Planete Constructions SARL”, një kompani lider që operon në katër kontinente: Evropë, Amerikë, Lindjen e Mesme dhe Afrikë. Përmes vizionit të tij strategjik dhe qasjes moderne ndaj zhvillimit të qëndrueshëm, z. Nasufoski ka ndërtuar një veprimtari afariste të fuqishme projektesh që përfshijnë jo vetëm ndërtime civile dhe inxhinieri të avancuar, por edhe sisteme ekologjike të trajtimit të ujërave dhe mbrojtjes së mjedisit.
Avni Nasufoskin sot nuk po e prezantojmë si pilotin e suksesshëm të dekadave të fundit të këtij fillim shekulli, as si drejtuesin e kompanive të suksesshme imobiliare në Sion të Zvicrës, apo si përfaqësuesin inovativ të markës së njohur “Fitness California” dhe as și aksioner në industrinë e produkteve natyrale në Los Angeles. Nuk është ky rasti të ndalemi as te formimi i tij i lartë në shkollat elitare të ekonomisë, që i ka hapur dyert e bashkëpunimit me Dhomat Ekonomike në Francë, Gjermani e përtej.
Po ashtu, nuk është aq e nevojshme të rikujtojmë zyrën e tij të punës në kantonin Valais apo në Gjenevë, të cilat janë vetëm një pjesë e mozaikut të aktiviteteve të tij me delegacione të ndryshme shumëplanëshe. Gjithashtu, nuk dëshirojmë këtu sot për të përmendur sukseset e tij në katër kontinente, edhe pse këto suksese përfshijnë implementimin e teknologjive më të avancuara në trajtimin ekologjik të ujërave të ndotura dhe zhvillimin e infrastrukturës së qëndrueshme në projekte të shkallës së lartë ndërkombëtare.
Avni Nasufoski: Diplomat Nderi dhe përfaqësues në Organizatën Ndërkombëtare OKB Ajo që më intereson është diçka më e thellë dhe më përfaqësuese për veprimtarinë e këtij personaliteti. Sot dëshiroj të flas për z. Avni Nasufoskin si përfaqësues të një vizioni të ri për mërgimtarët në botë, si një model i suksesit që kthehet në shërbim të komunitetit dhe i projekteve që nuk ndalojnë në kufijtë gjeografikë. Në kulmin e angazhimeve të tij ndërkombëtare, një nga sukseset e fundit të z. Avni Nasufoskit është emërimi i tij si diplomat nderi nga 35 shtete anëtare të Unionit të Afrikës, një nder që u bë përmes vlerësimit të lartë për kontributin e tij në zhvillimin e infrastrukturës, transferimin e dijes teknike dhe promovimin e partneriteteve të ndershme ekonomike në vendet në zhvillim. Në këtë kapacitet, ai ka marrë ulëse përfaqësimi pranë organizatave të rëndësishme ndërkombëtare, përfshirë praninë e tij në sesione të përzgjedhura të Organizatës së Kombeve të Bashkuara (OKB). Kjo është jo vetëm një arritje personale, por një dëshmi se një qytetar i integrar në Zvicër me originë shqiptare me prejardhje nga Maqedonia e Veriut, i cili jeton në Zvicër, (qysh nga mosha fëmijërore) me përkushtim dhe profesionalizëm, mund të bëhet zë edhe më shumë i ndikueshëm në arenën globale.
Gjatë muajit mars, z. Nasufoski zhvilloi takime pune intensive në Kosovë dhe Shqipëri, (një javë) ku së bashku me bashkëpunëtorë të tij të afërt, (dhe bashkë me drejtorin e tij për Ballkanin z. Safet Sadikun) mbajtën konferenca publike për zhvillimin ekonomik rajonal, ku prezantoi mundësitë konkrete për transferimin e teknologjive të gjelbra dhe investimeve strategjike në tërë Ballkanin; në Shqipëri, Kosovë dhe Maqedoninë e Veriut, (nga ku e ka edhe origjinën familjare), në Mal të Zi, Bosnje etj. Unë do dëshiroja të thoja se ky është një kthim simbolik dhe i qëllimshëm, një kthim i suksesit te rrënjët, në vendlindje.
Përfaqësues i fondeve ndërkombëtare, edhe për Ballkan. Aktualisht, z. Nasufoski është edhe përfaqësues i disa fondeve të mëdha ndërkombëtare të investimeve, të cilat fokusohen në projekte infrastrukturore, energjetike dhe ekologjike. Ambicia e tij e rradhës është të orientojë këto fonde drejt investimeve strategjike në Ballkanin Perëndimor, në projekte që synojnë zhvillimin e qëndrueshëm ekonomik, krijimin e vendeve të reja të punës, dhe përmirësimin e kushteve të jetesës për qytetarët. Ai është tashmë në bisedime me autoritete qeveritare dhe bashkiake në disa prej qyteteve kryesore shqiptare dhe rajonale për implementimin e këtyre projekteve, me një qasje praktike dhe konkrete, që kjo nënkupton se ai nuk ndalet vetëm në premtime por në veprime praktike për ato institucione që i pranojnë këto teknologji dhe investime, në varësi të projekteve që i afrojnë.
Avni Nasufoski pa dyshim se është një afarist dhe lider i njohur me ndikim ndërkombëtar, i cili ka kontribuar në zhvillimin e sektorëve të ndërtimit dhe infrastrukturës në nivel global. Ai është themelues dhe drejtor ekzekutiv i kompanisë “Planete Constructions SARL”, me seli në Gjenevë të Zvicrës, e cila operon në SHBA, Evropë, Lindjen e Mesme dhe Afrikë. Kompania është e njohur për përkushtimin ndaj teknologjive të avancuara dhe zgjidhjeve të qëndrueshme në fushën e ndërtimit dhe trajtimit të ujrave të zeza dhe kthimin e tyre në ujë të pijshëm dhe të përdorshëm, në varsi të kërkesave të subjekteve që e menaxhojnë këtë problem jetik nëpër shumë vendbanime të ndryshme në shumë kontinete. Përveç angazhimeve të tij afariste, Avni Nasufoski është gjithashtu i njohur për aktivitete të ndryshme shoqërore dhe kulturore, duke kontribuar në ndihmën ndaj komunitetit dhe promovimin e vlerave pozitive. Angazhimi i tij në fusha të ndryshme tregon përkushtimin e tij për zhvillimin e qëndrueshëm dhe përmirësimin e kushteve të jetesës për individët dhe komunitetet.
Lider i përgjegjshëm, me ndikim përtej biznesit: Përtej suksesit në botën afariste, z. Avni Nasufoski është një personalitet me ndjeshmëri të thellë për çështjet e zhvillimit shoqëror dhe edukimit. Me një karierë që ndërthur profesionalizmin, përkushtimin shoqëror dhe vizionin për zhvillim të integruar, Avni Nasufoski përfaqëson një shembull të shkëlqyer të suksesit shqiptar në botë. Aktiviteti i tij është një dëshmi se përmes punës, integritetit dhe dashurisë për komb, biznesi mund të bëhet jo vetëm burim fitimi, por edhe mjet për ndryshim dhe zhvillim të qëndrueshëm kombëtar. Në një kohë kur bota e biznesit global kërkon jo vetëm kapital dhe teknologji, por edhe vizion, integritet dhe ndjenjë përgjegjësie sociale, figura e z. Avni Nasufoski spikat si një ndër mërgimtarët të suksesshëm që ka ditur ta ndërtojë karrierën mbi themele të forta vlerash dhe përkushtimi profesional. I lindur në një mjedis me sfida, por me trashëgimi të pasur kulturore dhe shpirt sipërmarrës, z. Avni Nasufoski u rrit me bindjen se puna dhe besimi në vete janë çelësi i suksesit të çdo individi. Ky parim e shoqëroi përgjatë gjithë karrierës së tij, duke e bërë sot një nga personalitetet më me ndikim në fushën e ndërtimit dhe infrastrukturës ndërkombëtare.
Avni Nasufoski është themelues i një perandorie moderne ndërtimi. Në krye të kompanisë së tij me seli në Gjenevë, “Planete Constructions SARL”, Avni Nasufoski ka ndërtuar një rrjet të fuqishëm operimesh që shtrihet në Evropë, Shtetet e Bashkuara, Lindjen e Mesme dhe Afrikë. Kompania është e njohur për projektet e mëdha në ndërtim civil, menaxhim të mjedisit, energji të rinovueshme dhe trajtim të avancuar të ujit, duke ofruar zgjidhje të gjelbra dhe të qëndrueshme për sfidat urbane të shekullit XXI. Përkushtimi i tij për standardet më të larta teknike dhe etike ka bërë që kompania të vlerësohet në shumë shtete si një partner serioz për projekte komplekse të infrastrukturës publike dhe private.
Një figurë me ndikim në mërgatën shqiptare. Në të gjitha paraqitjet e tij publike, Avni Nasufoski ka qenë zë i fortë i mërgatës sonë, duke nxitur bashkëpunimin ndërshqiptar, mbështetjen edhe për vendbanimet tona dhe ndihmën ndaj komuniteteve në nevojë. Komunikimi, mbështetja për arsimin dhe pjesëmarrja në projekte kulturore janë elementë të rëndësishëm të profilit të tij publik. Ai i përket brezit të atyre liderëve që e kuptojnë suksesin jo si qëllim në vetvete, por si mjet për t’i kthyer diçka shoqërisë dhe vendlinjes së vet. Prandaj them se Avni Nasufoski është një model suksesi. Për të, rrënjët janë po aq të rëndësishme sa degët që ai ka shtrirë në katër anët e globit. Dhe tani, me vizionin për ta kthyer këtë sukses në projekte konkrete zhvillimi edhe në vendin tonë. Ai po ndërton ura të reja, që lidhen jo vetëm ekonomitë, por edhe me faktorët socialë që mbjellin shpresë për të ardhmen tonë të përbashkët.
Foto e realizuar gjat Konferencës, Safet Sadiku dhe Avni Nasufoski
Foto e realizuar në Prishtinë pas mbarimit të Konferencës: (A. Nasufoski dhe S. Sadiku) Kjo foto paraqet një moment zyrtar takimi. Të rrethuar nga flamuj të shumë vendeve, si flamuri i BE-së, SHBA-së, Shqipërisë, Arabisë Saudite, Turqisë dhe të tjerë. Ky imazh reflekton profesionalizëm, diplomaci dhe përpjekje për ndërtimin e marrëdhënieve ndërkombëtare. Duket se është një ngjarje me rëndësi ekonomike. Duke qenë se kjo ishte pas një konference në Kosovë,prania e shumë flamujve nga vende të ndryshme dhe organizata ndërkombëtare nënkupton që konferenca ka pasur karakter ndërkombëtar. Të sqaroj me këtë raast se z. Avni Nasufoski te të gjitha koto vende ka lobuar për njohjen e Kosovës në mënyrë aktive dhe të pavarur.
Kjo foto kap një moment miqësor dhe profesional midis Avni Nasufoskit dhe Safet Sadikut, të realizuar në Tiranë para fillimit të një konference ekonomike.
