Cyrih, 20 qershor 2025 – Konsullata e Republikës së Kosovës në Cyrih ka kënaqësinë të ftojë të gjithë të interesuarit në hapjen solemne të ekspozitës personale të artistit vizual Urim Berisha.
Kjo ekspozitë përfaqëson një rrëfim artistik të veçantë, ku numrat dalin nga konteksti i tyre matematikor dhe shndërrohen në simbole me ngarkesë të thellë kulturore, filozofike dhe emocionale. Përmes teknikës së përzier mbi pëlhurë dhe tapet, artisti ndërton një univers reflektues, ku abstraktja takohet me konkretën dhe ku ndjeshmëria njerëzore ndërthuret me rendin simbolik.
Urim Berisha, i cili vepron dhe krijon në kantonin e Cyrihut, sjell një qasje konceptuale të re në artin vizual, duke e bërë këtë ekspozitë një ngjarje të veçantë për publikun shqiptar dhe më gjerë në Zvicër.
📅 Data: E premte, 20 qershor 2025
🕢 Ora: 19:30
📍 Vendi:
Konsullata e Republikës së Kosovës,
Eugen-Huber-Strasse 19A, 8048 Cyrih
Pjesëmarrja juaj do të na nderonte veçanërisht.
📧 Ju lutemi konfirmoni pjesëmarrjen në:
consulate.zurich@rks-gov.net
