Blerim Rrecaj
LIRI E BARDHË
Te Drini i Bardhë
Rrjedhë mendimesh të bardha
Fëmijët mbajnë në duar punimet
Me duart që lëshojnë pëllumbat
Për nder të Ditës së Çlirimit
Me mbishkrimet:
«Paqja fillon me një buzëqeshje»
KUR VIJNË MËRGIMTARËT
Kur vijnë mërgimtarët
Ditët ngjallen
Tjerafare bëhen
Me shpirt të përbashkët
Hedhim valle ritmike të gëzuara
Endemi nëpër këngë malli të (pa)harruara
Sofra shtrohen nëpër zemra
Nëpër vatra
Tjera frymëmarrje ndjehen
Nëpër mozaikë peisazhesh
VERANDË ME KËMBËT NË DET
Në verandën e një bar restauranti
Me këmbët në ujë
Në fillim të detit
Kafenetë përpara
Puhia përkëdhel
Si shpirt nëne
E ulur rrijmë
Ulur dhe qeset me fruta
Që morëm në treg
Në këtë mëngjes Shëngjini
Me sy hapur
Me zemra drejtuar kah ëndrrat e pavdekshme
ËNDËRR NË NATYRË
U shtriva
Në faqen
E butë
Të Prevallës
E nisa
Të ëndërroj
Për mbarë
E për mirë
KULUMBRIA E GËRMISË
Gëmusha e madhe
Në hyrje të Gërmisë
Qenka kulumbri
Hyra nën të pashë frutat e bukura
Nëpër degët me therra kërcënuese
Një e këputa
Duke ecur e shijova
Bërthamën e saj
Në tokën e Gërmisë e hodha
Me shpresë se do të mbijë
Një tjetër kulumbri po kaq e mirë
SHI I ËMBËL VJESHTE
Mesditë mestetori
Një kalavesh me gjethe
E ngjyrosin ca pika shiu që bien
Me ngjyra dredhëze
Me ngjyra pjeshke
SKAJ NEWBORN-IT
Te kafenetë
Skaj Newborn-it
Jashtë
Pasi që votoi vëllau
Ulemi e pijmë
Bashkë
