Ura pa lum
Në Vushtrri
Në Urën pa lum
Të vështrosh përreth
Është bukur shumë
Qiellin e kodrat
E çdo gjë përreth
Mbi të çuditshmen brigjelidhëse
Hapa duke hedh
Mbi të fluturojnë me flatra pranvere
Ca kumri
Pëllumba
Harabela
E dallëndyshe
E shkojnë strehojnë kokën
Për ca çaste te ky plep përbri
Që si ushtar rri në gatishmëri
Dielli sot i ndezur në qiellin hirtërosh
Duke parë i etur qytetin bukurosh
Duket se lumin e tij të tërin e ka pirë
E pasi u ngi’ ndjehet bukur mirë
Koha tash të josh për pak dremitje
Të nxit për ëndërritje
Sapo të mbyllësh sytë
Vetëm për një çast
E ta shohësh lumin
Ashtu siç unë e pashë
Dhe kur të hapësh përsëri sytë
Të zgjohesh nga përfytyrimi yt
Nëse do shohësh edhe njëherë lumin
Sytë edhe njëherë mbylli
Pastaj zgjohu nga kjo ëndërr gjumi
Nën harqe ure rrjedh ky gjelbërim maji i harlisur
Në rrugën e pandalshme për kah është nisur
