Këtë fillim javë, si çdo të hëne artefakte nga muzetë dhe kullat shqiptare: fotot e 15 sofrave nga trojet e ndryshme arbërore, që kapa me foto objektiv e që nuk janë vetëm si një orendi e thjesht shtëpiake, por shumë e shumë më tepër, sidomos për nga rëndësia etnografike e historike në raport me tavolinat moderne të vendeve evropiane.
Teksti e fotot : Rexhep Rifati
Gjatë shtegtimeve të mija nëpër trojet shqiptare, një kaptinë të veçantë në librin “Shtegtimet e një gazetari”, gjatë vizitës nëpër kullat dhe muzetë në trojet tona dhe në mesin e arbëreshëve, i kushtova sofrave, magjeve, odave dhe veshjeve tona ndër vite, një begati e vlerë kjo e rrallë etnografike. I ndava fotot e këtyre objekteve me qëllim, sepse ato na bashkojnë shpirtërisht si vlerë e trashëguar nga kohërat, nga të parët tanë.
Kësaj radhe fotot e 15 sofrave shqiptare, që kapa me foto objektiv e që nuk janë vetëm një orendi shtëpiake, por edhe shumë e shumë se kjo, diç më tepër se tavolinat moderne në vende të ndryshme.
Sofra për ne shqiptarët sidomos në të kaluarën ishte diçka e veçantë: simbolizonte bujarinë, mikpritjen dhe dashurinë për mikun, prandaj edhe ka domethënien e vet motoja: “Sofra mikut e pushka armikut!” Tradita sofrës u bartë nga trojet etnike edhe në mërgatë, si “Sofra dardane” e iniciuar nga Presidenti Rugova, pastaj “Sofra e studentore” e organizuar për çdo fundviti akademik nga studentët shqiptar në Cyrih të Zvicrës e të tjera.
Ja edhe 15 sofra nga një trevë në tjetrën, si i pashë nëpër muze e kulla shqiptare:
- Kulla e Mic Sokolit, Bujan
- Has
- Isniq, Deçan,
- Berat
- Ferizaj
- Krujë
- Prishtinë
- Shkodër
- Gjirokastër
- Plavë
- Pejë
- Klinë
- Elbasan
- Tuz
- Zym
