Samuna me suxhuk

Samuna me suxhuk

Një recetë e preferueshme të përgatitet në një ditë vikendi, apo në një ditë pushimi kur të gjithë familja janë bashkë.

Për të përgatitur këtë recetë iu nevojiten:

2 ve

400ml qumësht

1 lugë e vogël sheqer

1 lugë e mesme kripë

2 lugë të mëdha maja buke

2-3 lugë vaj

Miell

Suxhuk

Djathe kackavall në forme trekendeshi

Mënyra e përgatitjes:

Qumështin e ngrohim paraprakisht dhe e hedhim në enën ku do ta nxëmë brumin, ia shtojmë sheqerin dhe majan, e përziejmë mirë dhe e lëmë të qëndrojë për 10-15minuta derisa maja të fermentohet. Pasi të jetë gati, ia shtojmë vezët, vajin, kripën dhe I shtojmë miellin aq san a mjafton për të nxënë brumin. Pasi ta kemi punuar mirë me dorë, e mbulojmë dhe e lëmë të qëndrojë në një vend të ngrohtë për rreth një orë.

Pasi brumi të jetë gati, e ndajmë në kuleqë të vegjël, të cilët I hapim me t’hollues në formë të rrumbullakët dhe brenda I vendosim djathin dhe suxhukin e prerë në feta të holla. E bashkojmë petën në formë të gjysmë hënës dhe ia shypim anët që masa të mos dali jashtë. Kështu veprojmë me secilën, ndërsa para se ti fusim në furrë I lyejmë me të kuq të vezës dhe I hedhim sipër susam.

I pjekim në 220 gradë për 25-30 minuta.