Në Zvicër, promovohet Vera Dardane përmes mikpritjës shqiptare

Këto ditë përvëluese verore, madje në kohë pandemie, tërheq vëmendjen një pllakat mbresëlënës nëpër stacionet e autobusëve në Zvicër,  ku në një kopsht të bukur në Zvicër, një grua shqiptare gatuan një fli për të afërmit apo mysafirët e saj, mesa duket edhe zviceranë.

Teksti e fotot: R. Rifati

Ky popullaritet i bëhet traditës shqiptare të bujarisë dhe mikpritjes, ngjashëm si në bjeshkët e Rugovës, gjegjësish bjeshkët e Nemura, flet për një kohë tjetër në raport me shqiptarët e Kosovës, nga ajo e gati afro 30 vite më parë, kur një nga partitë kryesore zvicerane ishte me një “JO” të madhe për integrimin e shqiptarëve në Zvicër!

Do kujtur se bjeshkët e Rugovës, si edhe në këtë pllakat për “Verën Dardane” dhe flijes sonë, si specialitetit tradicional shqipta, është shijua nga shumë miq zviceranë saherë që kanë vizituar Kosovën ,ndaj edhe kësaj radhe qytetet janë mbushë me një pllakate aq afirmativ për Kosovën me titull “VERA DARDANE”.

Urojmë që shkrime të kësaj natyre të kemi sa më shumë, aq më parë kur në Zvicër jeton një komunitet i madh shqiptarësh që shërben jo vetëm si urë lidhëse midis dy shteteve e dy popujve, por që njëherësh është bërë pjesë e rëndësishme integruese e zhvillimore në vet shtetin mik helvetik.