Tituj tabelash
Kudo që të ndodhem
Në Shqiptarinë hallemadhe
Shoh tabela të vëna me mbishkrimin:
“Rrugë pa dalje”
As unë si derëbardhët
Nuk e kam ndërmend të ndalem
Tabelat tona shenjojnë:
“Rrugëdalje”
Peshorja e dëshirave
Mëmëdhe të pafshim mirë e më mirë
Duke ecur përpara në liri e në paqe
Ku lulëzon mirësi e drejtësi
Ku themelet e dijes të forta i kanë rrënjët
Mëmëdhe të pafshim mirë e më mirë
Si zonjë drejtësie me sy të lidhur
Që s’do t’ia dijë për askënd
Kur do vendos një çështje për ta zgjidhur
Mëmëdhe të pafshim mirë e më mirë
Tek ti gjithmonë jetofshin dëshira e vepra
Qofsh shpirtbardhë siç e meriton
Se vetëm te ti kuptim merr jeta
Sapo pashë dy lule
Rrugës duke ecur
Dy lule i pashë
Sytë u shndritnin
Shkëndijëza shkëlqimi
Lënin pas errësirën
Po dilnin në dritë
E mua natyrisht
Мё kaploi gëzimi
Pamje lulëzimi
I pashë njerëzit që çelën si lulet
Dhe lulet i pashë që çelën si njerëz
Shenjat e mira
Nëpër kohë jo të lehta e të vështira
Frymëzuan e frymëzojnë veprat e mira
