Me muzeun arkeologjik të Korçës, prointgra përmbyll vitin me 48 muze shqiptare

Ndonëse është amortizuar në masë, ky muze që është ndërtuar në vitin 1985 brenda tij ruan plot 1.200 objekte, të cilat datojnë prej epokës së Neolitit të hershëm, e deri në epokën e Hekurit.- “Është një muze unik në Shqipëri, sepse fokusohet kryesisht te prehistoria, por ka edhe periudhën qytetare, Antikitetin e vonë dhe Mesjetën, por tipike të kësaj zone”, thotë Dorian Kallanxhi, përgjegjës i muzeut.

Përgatiti: Rexhep Rifati

Kur në fillim të vitit u zotuam se për çdo fund javë, zakonisht të shtune apo eventualisht të diele se do të prezantojmë nga një muze apo fondacion muzeal shqiptar, as vet nuk e dija se do të mund ta realizoj këtë objektiv qoftë për shkaqe shëndetësore apo arsye tjetër, ndërkaq sot kur po e botojmë muzeun e 48 me radhë, po shoh se është përmbush ky synim, por edhe se sa shpejt ka shkuar ky vit!

Për ti kthehemi muzeut Arkeologjik të Korçës, kësaj perle të jugut shqiptar, që e kam vizitua disa herë pa arrit të shohë gjithë atë begati vlerash materiale e shpirtërore që ka. Ndaj edhe me këtë rast lidhur me muzeun në fjalë shfrytëzova edhe një shkrim të postuar në korçajonë.al. të 17 Prillit 2019.

Në këtë shkrim thuhet se: Muzeu Arkeologjik në qytetin e Korçës është amortizuar plotësisht dhe prej vitesh askush nuk vë dorë mbi , ndonëse është ndërtuar në vitin 1985 dhe brenda tij qëndrojnë plot 1.200 objekte, të cilat datojnë prej epokës së Neolitit të hershëm, e deri në epokën e Hekurit. Vegla pune, stoli, enë qeramike, por edhe objekte të tjera janë ekspozuar në stendat e këtij muzeu, i cili është i veçantë në llojin e vet, pasi përqendrohet në prehistorinë e zonës juglindore.

“Është një muze unik në Shqipëri, sepse fokusohet kryesisht te prehistoria. Por ka edhe periudhën qytetare, Antikitetin e vonë dhe Mesjetën. Kemi objekte unike, që nuk i gjen në asnjë zonë tjetër, qeramika tipike të kësaj zone, sikurse disa objekte shumë të veçanta”, thotë Dorian Kallanxhi, përgjegjës i muzeut.

Ndërsa një turist i huaj tregoi tregon se si është hera e parë për te në Korçë dhe në Shqipëri. Thotë se vjen nga Londra dhe se këtu është bashku me familjen: “ Kjo ka qenë dikur një shtëpi dhe është mjaft e veçantë, ndryshe nga muzetë e tjerë që shpesh janë të mërzitshëm. Mendoj se kjo ndërtesë është shumë e bukur, por ka nevojë për përmirësime, tualete, kushte më të mira.”

Të paktën 200 turistë vendas apo të huaj i drejtohen këtij muzeu, për t’u njohur nga afër me vlerat arkeologjike që qëndrojnë këtu. E pavarësisht rëndësisë së këtyre objekteve tejet të veçanta, ndërtesa është tepër e amortizuar, me mure të degraduara, çati të dëmtuar, por edhe dysheme që rrezikon të shembet.

Përndryshe në qytetin më të madh në juglindje të Shqipërisë funksionojnë edhe Muzeu Kombëtar i Arsimit ose Mësonjëtorja e parë shqipe, muzeu Kombëtar i Artit Mesjetar, muzeu arkeologjik, muzeu i artit oriental Bratko, muzeu i fotografit Gjon Mili e banesa të shumta të shpallura monumente kulture, që zakonisht tërheqin shumë interesimin e vizitorëve.

( Pos fotove nga muzeu edhe ca nga qytet që kam shkrep gjatë vizitave në Korçë)