Llazanje
Përbërësit:
500gr petë lazanje
300gr mish i bluar
1 spec i kuq dhe 1 spec i gjelbërt
2 karrota
1 kungulleshkë
2-3 domate
1 qepë
200 ml salcë domatesh
Kripë, piper i zi dhe erëza
Beshamel sosa:
1 litër qumësht
2 lugë gjelle miell
50gr gjalpë
Kripë dhe piper i zi
Mënyra e përgatitjes:
Së pari ngrijmë qepën dhe e vëmë në tigan të skuqet. Më pas ia shtojmë karrotën, specat dhe kunngulleshkat dhe kur të zbuten ia shtojmë mishin e bluar. I hedhim kripën dhe përziejmë mirë. Pastaj ia shtojmë edhe domatet e qëruara dhe ngrira imët dhe në fund i shtojmë salcën e domatesh. I hedhim piper të zi dhe erëza dhe e kemi masën gati.
Në një tigan tjetër, hedhim gjalpin dhe miellin dhe përziejmë vazhdimisht derisa masa të marrë ngjyrë ari. Pasi ta shohim se është bërë gati i shtojmë qumështi duke përzier vazhdimisht që të mos formohenn kokërrza. Në fund ia shtojmë kripën dhe piperin e zi.
Tavën e lyejmë me gjalp dhe në të hedhim 2 lugë nga masa me mish të bluar duke e shpërndarë në tave. Sipër i rendisim petat e lazanjës, sipër i shtojmë sos beshamel dhe mbi sos shtojmë masën me mish të bluar. Pastaj I rendisim petët e lazanjes përsëri. Kështu veprojmë njejtë duke formuar 3 shtresa radhazi. Krejt në fund sipër i shtojmë kackavall të ngrirë dhe e fusim tavën në furrë në temperaturë maksimale.
