Kolona të gjata në kalimet kufitare të Kosovës

Vala e ardhjeve të bashkëatdhetarëve, e cila ditëve të fundit është shtuar, ka shkaktuar kolona të gjata pritjeje në kalimet kufitarë të Kosovës.

Qendra për menaxhim kufitar ka bërë të ditur se kolonat po shkojnë duke u shtuar dhe se më e gjata është regjistruar në pikë kalimin në Merdare. Në hyrje të këtij kalimi kufitar kolonat kanë arritur deri në 800 metra, ndërsa në dalje deri në 1 kilometër. Ndërsa pritjet në këtë pikë kalim në hyrje janë deri në katër orë, kurse në dalje deri në gjashtë orë.

Pas këtij pikë kalimi, sipas njoftimit më pas kolona të gjata janë shkaktuar edhe në Jarinjë, në hyrje deri në 150 metra, ndërsa në dalje deri në 120 metra. Kurse pritjet në hyrje kanë qenë deri në një orë e gjysmë kurse në dalje deri në 15 minuta.

Në pikë kalimin kufitar te Dheu i Bardhë dhe në Muçibabë, kolonat në hyrje janë të gjata deri në 100 metra kurse në dalje deri ën 30 metra. Ndërsa pritjet janë deri në gjysmë ore.

Kurse në pikë kalimin Mutivodë dhe Hani i Elezit, kolonat janë deri në 50 metra në hyrje dhe në dalje deri në 40 metra. Kurse pritjet deri në 10 minuta.

Ndërsa sipas njoftimit të kësaj Qendre, pikë kalimet tjera janë të kalueshme.

Për të përcjellë në kohë reale gjendjen në pikë-kalimet kufitare qytetarët mund të informohen duke klikuar në web faqen e Qendrës Kombëtare për Menaxhim Kufitar.