Osman Osmani përsëri në parlamenti e Kantonit Schaffhausen

Siç njofton gazeta zvicerane Schaffhausen Nachrichten e javës se kaluar, deputeti pare kantonal shqiptar i zgjedhur ne Zvicër, veprimtari i çështjes kombëtare e shoqërore Osman Osmani (1957) do te zëvendësoi deputetin e tërhequr kantonal te Partisë Socialdemokrate të Schaffhausenit, pedagogun Daniel Fischer.

ooOsmani ishte edhe deputet i Parlamentit te qytetit Schaffhausen i zgjedhur për periudhën 2013-2016, nga i cili u tërhoq pas rreth një viti, shkaku i kandidaturës për deputet ne Parlamentin e Republikës se Kosovës ne zgjedhjet e vitit te kaluar ne listën e Lëvizjes Vetëvendosje, e ne te cilat zgjedhje mjerisht nuk arriti te marr votat e nevojshme.

Osman Osmani është sekretar nacional për migracion ne sindikatën UNIA, përndryshe ka studiuat edhe shkencat sociale ne Zvicër. Ne sindikate nder te tjera është përgjegjës për Evropën juglindore dhe për dosjen e Marrëveshjes se anuluar ndërshtetërore për Sigurimet Shoqërore mes Zvicrës dhe Kosovës.

Ai bashke me deputetin e Lëvizjes Vetëvendosje nga diaspora e Zvicrës, bashkëveprimtarin Faton Topallin, është bashkëthemelues i qendrës profesionale për migracion “Pro Integra” në Zvicër. Osmani pos tjerash njihet edhe si iniciues në Zvicër i strukturës se veçante për migracion ne kuadër të Partisë Socialdemokrate ne nivel nacional, ne presidencën e se cilës ai aktualisht ushtron edhe detyrën e njërit nga nënkryetarët. Kjo strukturë angazhohet si për pjesëmarrjen në jetën shoqërore e politike të migrantëve në Zvicër, ashtu edhe për bashkëpunim e ndërsjellë në të gjitha fushat jetësore e shoqërore me vendet amë të migrantëve të Zvicrës.