Pas disa vitesh pune në sektorin e makinerisë nga viti 1997 nis aktivitetin shoqëror në Sindikatën e Ndërtimtarisë dhe Industrisë (GBI) më pas në sindikatën Unia, për plot 12 vite me radhë. Në kuadër të sindikatës Unia ka qenë autori i botimit informativ “Horizonte” në gjuhën shqipe dhe ka mbajtur për disa vite me radhë seminarin vjetor për aktivistët sindikal.
Gjatë viteve 90ta merret me shkrime e përkthime të letërsisë gjermane për të përditshmen Rilindja dhe revista tjera. Krahas aktiviteteve në Sindikatë Ishte bashkëthemelues i Universitet Popullor Shqiptar për regjionin e Bazelit.

I lindur në vitin 1968 në Zarbincë, komuna e Bujanovcit. Pas përfundimit të studimeve në shkollën e lartë teknike në Ferizaj, ka ardhur në Zvicër në vitin1989. Fillimisht vijon kurse intensive të gjuhës gjermane. Pastaj ka mbaruar shkollën profesionale të administratës në Baden.
Në vitin 2006 ka diplomuar si specialist i Sigruimeve Shoqërore e më pas në vitin 2015 ka diplumuar në shkollën e lartë si Ekspert i Diplomuar i Sigurimeve Shoqërore në Zvicër. Nga fillimi i vitit 2009 është i punësuar pranë Arkës se Papunësisë Unia në regjionin e Bazelit e nga viti 2014 si nëpunës i specializuar pranë qendrës së kompetencës të arkës së papunësisë Unia në Bern.
Është angazhuar aktivisht në parandalimin e ndërprerjes së marrëveshjes ndërshtetërore të sigurisë shoqërore Zvicër Kosovë si dhe për arritjen e marrëveshjes së re për Sigurinë Shoqërore Zvicër Kosovë.
Në ndërkohë ai është ligjërues i Sigurimeve Shoqërore pranë institutit arsimor të bashkimit të sindikatave Movendo.
Pasion e ka fotografinë. Ka realizuar dy ekspozita të fotografise bardh e zi dhe eksperimentale në Zvicër.