Inxhinieri Dalip Gashi (prej Rahoveci) më tregoi një fletore hartimi të djalit të tij, që këto ditë vazhdon mësimet në klasën e katërt (në shkollën e katundit Bushat).
Nga ditari i Petrit Palushit, Kukës
Tema: “Flisni për ngjarjen që u ka bërë përshtypje”, ndërsa hartimi qe zhvilluar në pak rreshta:
“Kur ranë granatimet në shtëpinë time, dyert e dritaret e shtëpisë dolën vendit. Nga granatimi gjyshi im i dashur u vra. Sapo të kthehemi, edhe shtëpinë do ta ndreqim, por do t’i gjej lulet ku janë e ku s’janë dhe do t’i çoj te varri i gjyshit. Në shkofshim në dimër, do pres pranverën për lulet. Në shkofshim në verë a në vjeshtë, lulet do t’i mbledh në Shqipëri për t’i marrë me veti, se në Kosovë çdo gjë është bërë shkrumb e hi”.
Dalip Gashi thotë se pushtuesi serb u ka marrë shumë gjëra: U ka vra t’afërmit, u ka djegë shtëpitë i ka shpërngulë nga vendi i tyre, por kujtesën s’ka mundur t’ua shkatërrojë.