Zgjidhje
Në mes Sokratit të vuajtur
Dhe derrit të kënaqur
Do zgjidhja të parin
Në mes superegoistit
Dhe humoristit
Do zgjidhja të dytin
Numra dhe ngërç
T’ju them të drejtën
Nuk e di ç’po ngjet
Fjalë të vjetra
Me tingëllimë të re
Po dëgjoj
Për numra dhe ngërç
Ja këtu në një oborr kafeneje
Po ndjek kaosin
Më në fund
Vendosa
U bëra prijës
Sa çudi
Mora pushtet
Në duar tash
Me shkop realmagjik
Ndjek kaosin
Askund s’i lë vend
Shiu i këtyre ditëve
Shiu i këtyre ditëve
Më zuri brenda
Më zuri në rrugë
Kur binte bashkë
Përqafuar me rreze dielli
Pikat e tij
Bëheshin pika mbi «¡»
Beheshin yje mbi sy
Druri në shesh
Një çadër dyqani
Çati e kuqrremtë
Na shërben si strehë
Prej shiut rrëke-rrëke
Në drurin përballë
Lart qëndron
Një shtëpi zogjsh
Me një dritare rrumbullake
Në qafën e tij të gjatë si gjirafë
Druri mban një çelës magjik
Për të hapur dyer e rrugë
Që tash sa kohë rrinë mbyll
Tejpërtej
Dikush që doli tej murit
Ma dhuroi një pije
Dhe s’di se ku shkoi
Pupla dhe pëllumbi
Kapa çastin e rënies së një puple
Bashkë me të dhe pëllumbin n’fluturim
Të cilit nuk i ra kjo pupël
Lexim dritëshkronje
Nuk është ashtu siç po duket
Dielli nuk këputi
Asnjë degë trëndafili
Ndërtesa pranë rruge
Në qytezën tonë
Kjo ndërtesë pranë rruge
Më duket e bukur
E mua më pëlqen
Herë më ngjet
Me një magnetofon me antenë
Që mund t’ia lëshosh zërin
Sa të duash e në do dhe tej për tej
Herë më ngjet me një çantë udhëtimi
Që mund ta kapësh për doreze
Për ta bartur e tërhequr me vete
Për në tjera vende
Për në tjera shtete
Parqeve të Prishtinës
Nëpër parqet e Prishtinës
Nëpër këto oaza gjelbërimi
Fryn erë ngazëllimi ajërpastër
Nëpër vështrime dritëhedhëse
