Shënon Demhasaj, skuqet Kryeziu

0
323
hekuran kryeziu

Nuk ka qenë një fundjavë shumë e frytshme për bashkëkombësit tanë në Superligën e futbollit zviceran. Pas pesë golave javën e kaluar, vetëm një gol është shënuar nga shqiptarët këtë javë. Edhe ai erdhi nga Shkëlqim Demhasaj.

Sulmuesi i Luzernit shënoi golin e vetëm në humbjen e thellë të skuadrës së tij, 1-4, nga kampionët aktual, Baseli. Tek mysafirët Taulant Xhaka luajti tërë ndeshje duke u zverdhur, derisa Albian Ajeti qëndroi në fushë për 70 minuta.

Tek Luzerni, Demhasaj shënoi në minutën e 18të para se të zëvendësohej në minutën e 77. Nëntë minuta më vonë, Hekuran Kryeziu u përjashtua nga loja për shkak të ndërhyrjeje të palejuar.

Edhe Laussane humbi këtë javë, 0-2 nga Zurichu. Benjamin Kololli kaloi 90 minuta në fushë, derisa Andi Zeqiri u fut në minutën e 83të në lojë.

Në duelin e shqiptarëve ndërmjet Sionit dhe Grasshoppersit, të parët dolën fitues me rezultat 3-0. Kasami e Kukeli kaluan nga 90 minuta në fushë, me Burimin në rolin e qendërmbrojtësit kësaj radhe, derisa tek mysafirët Avdijaj nuk arriti të shënoj as për 90 minuta pas dy-golëshit të shënuar javën e kaluar. Ngjashëm edhe Nedim Bajrami nuk pati ndonjë kontribut në listën e shënuesve për 90 minuta sa kaloi në fushë.

Në fitoren e St. Gallen në rrugëtim ndaj Thun, 2-1, Gjelbrim Taipi pati kontributin në lojë për 64 minuta para se të zëvendësohej.

Në renditje prin Young Boys që vazhdoi serinë e fitoreve duke mposhtur Luganon me rezultat 2-1.

Renditja pas javës së 16të

  1. Young Boys         36
  2. Basel                     29
  3. Zurich                    25
  4. St. Gallen             24
  5. Grasshopper      23
  6. Lausanne             19
  7. Sion                       17
  8. Lugano                 16
  9. Thun                      15
  10. Luzern                  14

LEAVE A REPLY

Please enter your comment!
Please enter your name here