Isuf Sherifi – Poezi për Agron Bajramin

0
344

Isuf Sherifi:

REQUIEM PËR NJË GJENERAL SUPREM ME HAPA FLUTURE DHE KRAHË SHQIPONJE

(mikut Agron Bajrami)

Më të lehtë se fluturat mbi petale lulesh
dhe ngjyrat mbi krahë të tyre
veç hapat e Tu magjik.

Më domethënës se fluturimi i shqiponjës
veç vallëzimi Yt epiko-lirik.

Kallëzimi për Ty Agron
përkundje e dritës
mes alpeve shqiptare dhe helvetike,
bartje e diellit mbi supe ikonike
që i nënshtrohen melodive hyjnore
që dalin nga frymë Yte liriko-epike.

Më epik se Ti Agron
veç vallëzimi Yt.
Më magjik se vallëzimi Yt
veç kallëzimi për Ty.

Magji e krahëve të Tu Agron
ledhatonin Gjeravicë e Korab
mënjanë,
më tjetrën miklonin Materhorn e Mont Blanc.

Agron, Ti Gjeneral Suprem i skenave të folklorit
frymë Yte mbjellur gjithkund
partiturave qiellore pafund
në paqe dhe në luftë.

16.03.2018

LEAVE A REPLY

Please enter your comment!
Please enter your name here